▲陳灝而曾做聲夢傳奇形象總監。
▲陳灝而指1988年時曾「急救」李嘉欣。
陳灝而急救李嘉欣最近陳灝而開了小紅書，開始於社交平台分享和藝人的故事，其中一個就關於如何幫助李嘉欣贏取港姐冠軍。
身穿黑色上衣，外配卡其色闊身型格外套的陳灝而表示：「我認識李嘉欣，系佢已經選了香港小姐初賽，當年系選兩次，一次初賽一次總決賽，當年佢系大熱，而當年嘅最上鏡小姐，就由陳淑蘭喺初賽時得獎。
之後我就接到朋友電話，佢話李嘉欣啱啱參加香港小姐，啱啱選咗初賽，佢本身系個模特兒，以拍廣告為主，對Catwalk唔系好熟，亦都冇嘗試過，我朋友話你可唔可以教佢兩堂？」
陳灝而妙計讓李嘉欣不再緊張陳灝而對李嘉欣印象極佳，覺得她又靚又高，所以一口答應，當與李嘉欣正式見面時，她就告訴陳灝而自己面臨的最大問題：「佢話喺台上見到評判時好緊張，所以影響咗初賽發揮，望鏡頭又唔知望向邊個鏡位。
之後我發覺佢原來近視比較深，有800至1000度，我就建議佢戴個度數細啲嘅隱形眼鏡，少百零二百度，咁睇唔到評判冇咁清楚，咁就會冇咁驚。」▲陳灝而指李嘉欣十分聰明，於決賽時表現甚佳。
李嘉欣成最美港姐陳灝而功勞大另外陳灝而亦為她度身訂造練習Catealk的方法：「我喺一個地方Set個鏡頭，幫助佢不停練習，重新教過佢鏡頭觸覺。
打直行向評判嘅時候，我教佢要望向幾位評判嘅中間位置，咁就會拍到佢好似望向全部人咁。」陳灝而指李嘉欣好聰明，好快就知道台上Catwalk秘訣，並於決賽中完全發揮出來，比起初賽時大有進步，最終亦順利贏得冠軍。
李嘉欣貴為港姐冠軍后，再贏國際華裔小姐冠軍，當然身價上升百倍，其後亦嫁入豪門，現時過著富貴幸福生活。